გუშინ სანკტ-პეტერბურგში ცნობილი ჯგუფის „Boney M" ვოკალისტი, ბობი ფარელი სასტუმროში გარდაცვლილი იპოვნეს. შემსრულებლის გარდაცვალების ზუსტი მიზეზი ჯერ-ჯერობით უცნობია. მისი აგენტის, ჯონ საიენსის განცხადებით, ფარელს გუშინ სანკტ-პეტერბურგში ჩატარებული კონცერტის შემდეგ სუნთქვასთან დაკავშირებული პრობლემები ჰქონდა.

მუსიკოსი 61 წლის გახლდათ და ის კოლექტივს გასული ასწლეულის 70-იან წლებში შუერთდა. იგი გახლდათ ჯგუფის ვოკალისტი, თუმცა არასოდეს იღებდა მონაწილეობას სტუდიური ალბომების ჩაწერაში. მის მაგივრად მღეროდა კოლექტივის პროდიუსერი ფრენკ ფარიანი.

აღსანიშნავია, რომ ლეგენდარული ჯგუფი „Boney M" საქართველოს ორჯერ სტუმრობდა. ბოლოს ბობი ფარელმა ჯგუფის ახალ შემადგენლობასთან ერთად კონცერტები თბილისსა და რუსთავში მიმდინარე წლის ოქტომბერში გამართა