2:12 PM ერიკ ბილალ აბიდალი | |
| ბიოგრაფია ერიკ აბიდალი კატალონიურ კლუბში 2007–08 წლების სეზონში გადავიდა, ჯოვანი ვან ბრონხორსტის ჩასანაცვლებლად. ეს იყო მისი საზღვარგარეთ თამაშის პირველი გამოცდილება. "ლიონის” ერთ-ერთ იმიგრანტ ოჯახში დაბადებულმა, კარიერა "Lyon-la-Duchère”-ში დაიწყო, ფრანგულ CFA 2 დივიზიონში, სადაც იგი მარცხენა ნახევარმცველად თამაშობდა. 2000 წლის ზაფხულში მან "მონაკოსთან” პროფესიონალურ კონტრაქტს მოაწერა ხელი, რის შემდეგაც, ამავე წლის 16 სექტემბერს შედგა მისი დებიუტი საფრანგეთის პირველ ლიგაში, "ტულუზას” წინააღმდეგ. პირველ სეზონში ის ხშირად იწყებდა მატჩებს ძირითად შემადგენლობაში, ისევე როგორც სათადარიგოთა სკამზე. საერთო ჯამში, აბიდალმა მოკრძალებული რაოდენობის მატჩები ჩაატარა, 8 პირველ ლიგაში და ერთიც ჩემპიონთა ლიგაში. 2001-02 წლებში აბიდალმა "მონაკოს” რიგებში 16 მატჩი ჩაატარა, ძირითადად ფლანგზე მოთამაშე, ხანდახან კი ცენტრალურ მცველადაც კი. სეზონის ბოლოს აბიდალმა გუნდი იჯარით დატოვა, რათა უფრო დიდი სათამაშო გამოცდილება მიეღო. ერიკი "ლილში” გადავიდა, გუნდში რომელსაც წვრთნიდა კაცი, რომელიც მას "მონაკოში” პირველად მისვლისას დახვდა, კლოდ პუელი. მან ადგილობრივ კლუბში 2 წელი ითამაშა და ქვეყნის ერთ-ერთი საუკეთესო მცველის რეპუტაცია მოიპოვა. 2004 წლის ზაფხულში, აბიდალი მშობლიურ ქალაქში დაბრუნდა, სადაც მას ბოლო 3 ლიგის გამარჯვებული, ლიონის "ოლიმპიკი” ელოდა. ერიკმა ძირითადში ადგილი თავიდანვე დაიკავა და 2004 წლის 18 აგვისტოს მისი პირველი საერთაშორისო დებიუტი შედგა, საფრანგეთი ბოსნიას ეთამაშებოდა. აბიდალი დაეხმარა "ლიონს” კიდევ სამი ლიგის ტიტულისა და სუპერ თასის მოგებაში, რის შემდეგაც ის იმ გუნდის განუყრელი ნაწილი გახდა, რომელმაც მთელი ევროპა გაიტაცა თავისი ბრწყინვალე თამაშით. 2006 წლის მსოფლიოს ჩემპიონატზე ფრანგმა შემტევმა მცველმა 7-დან 6 თამაში ჩაატარა საფრანგეთის რიგებში და მეორე ადგილი აიღო. ამის შემდეგ, ერიკს ბრწყინვალე სეზონი ჰქონდა "ლიონში”, 31 სტარტით საფრანგეთის პირველ ლიგაში. გარდა ამისა, 2006-07 წლების სეზონში, მან 7 მატჩი ჩაატარა ჩემპიონთა ლიგაში და ათიც ეროვნული ნაკრების რიგებში. ერიკ აბიდალი "ბარსას” 2007 წლის ზაფხულში შეუერთდა. ფრანგმა 30 მატჩი ჩაატარა ლა ლიგაში, 10 ჩემპიონთა ლიგაში და ექვსიც თასზე. იგი, ძირითადად, მარცხენა მცველის პოზიციას ინაწილებდა სილვინიოსთან ერთად, მაგრამ რამდენიმე შემთხვევაში ფრანკ რაიკაარდმა იგი ცენტრალურ მცველადაც დააყენა. შეზონის ბოლოს, საფრანგეთის რიგებში მან ევრო 2008 ითამაშა, ავსტრიასა და შვეიცარიაში. 2008/09 წლებში მან "ბარსასთან” ერთად ტრიპლეტი შეასრულა, მაგრამ ეს წელი აბიდალისთვის მეტ-ნაკლებად არასასიამოვნო იყო. თავიდან, მან ტრავმა მიიღო "ესპანიოლის” წინააღმდეგ გამართულ მატჩში და გამოტოვა 8 კვირა. ხოლო დაბრუნების შემდეგ, ჩემპიონთა ლიგისა და ესპანეთის თასის ნახევარფინალებში წითელი ბარათები მიიღო და ორივე გათამაშების ფინალი გამოტოვა, რომსა და ვალენსიაში. საბოლოო ჯამში კი სულ მან "ბარსას” რიგებში 31 მატჩი ჩაატარა. თვისებები ერიკ აბიდალი ნატურალური მარცხენა მცველია. მიუხედავად მისი გაბარიტებისა (185სმ, 75კგ), იგი ადვილად ერგება ცენტრალურ მცველად თამაშსაც. მას უყვარს შეტევებზე მოწინააღმდეგის ნახევარზე გადასვლა და ფლანგებიდან ჩაწოდება. ის არის ძალიან მარჯვე და ტაქტიკურად გაცნობიერებული ფეხბურთელი და შემჩნეულია მოედანზე მუდმივად სწორი პოზიციის შერჩევაში. ერიკი ძლევამოსილი მცველია, რომელსაც უპრობლემოდ შეუძლია მარცხენა ფლანგზე ზევით-ქვევით სირბილი მთელი 90 წუთის განმავლობაში. მიღწევები გუნდური მიღწევები ბარსელონა ესპანეთის ჩემპიონატი – 2008/09, 2009/10, 2010/11 ესპანეთის თასი – 208/09, 2011/12 ესპანეთის სუპერთასი – 2009/10, 2010-11, 2011-12 ჩემპიონთა ლიგა – 2008/09, 2010-11 ევროპის სუპერთასი – 2009/10 მსოფლიოს ჩემპიონატი – 2009/10, 2011/12 ლიონი საფრანგეთის ჩემპიონატი – 2004/05, 2005/06, 2006/07 საფრანგთის სუპერთასი – 2004/05, 2005/06, 2006/07 საფრანგეთის ეროვნული ნაკრები მეორე ადგილი 2006 წლის მსოფლიო ჩემპიონატზე | |
|
| |
| სულ კომენტარები: 0 | |