იკერ კასილიას ფერნანდესი - მადრიდის რეალის და ესპანეთის ეროვნული ნაკრების კაპიტანი. მას მოგებული აქვს ევრო 2008 და 2010 წლის მსოფლიო ჩემპიონატი, ამ უკანასკნელზე კი ოქროს ხელთათმანი აიღო. კასილიასი ევროპის ერთ-ერთ საუკეთესო მეკარედ ითვლება, რაზეც მის მიერ მოგებული ტიტულები მეტყველებს.

ამჟ. კლუბი:რეალი

იკერი გამოირჩეოდა თავის სწრაფი რეაქციებითა და შრომის უნარიანობით. მისი პირველი სერიოზული ნაბიჯი გახლდათ რეალმადრიდ ბენხამინ-7-ში გადასვლა. მისი შრომა და თავდადებული მუშაობა დაფასდა. იგი უკვე რეალის იუნიორთა სკოლაში ირიცხებოდა. იკერმა ეს ეტაპიც წარმატებულად განვლო. მალე უკვე რეალმადრიდ B-ში აღმოჩნდა და ეს იყო მისი ერთადერთი შანსი, რათა აღმოჩენილიყო მადრიდის რეალის ძირითად შემადგენლობაში.

რეალ მადრიდ B, გახლდათ ის გუნდი რომელმაც გადამწყვეტი როლი ითამაშა კასილიასის კარიერაში. მისმა რეაქციებმა, სისწრაფემ, პოზიციის სწორად შერჩევამ და ნახტომის სიმაღლემ რეალის მწვრთნელებს უფლება მისცა პატარა იკერი უკვე მადრიდის რეალის ძირითად გუნდში გადაეყვანათ.

დადგა დღე რომელზეც იკერი ასე ოცნებობდა. იგი უკვე რეალ მადრიდის სრულუფლებიანი წევრი გახლდათ. ასეთმა გადაწყვეტილებამ კრიტიკოსები ალააპარაკა. ჭაბუკი მეკარე რომელიც სულ რაღაც 18 წლის გახლდათ ძირითად გუნდში გამოდიოდა. კრიტიკოსების თქმით იკერი განწირული იყო სათადარიგო სკამისთვის. მაგრამ იკერის მოთმინებამაც შედეგი გამოიღო. რეალის ძირითადი მეკარე ბოდო დაიმტვრა და ახლა კასილიასის ჯერი დგებოდა. ამ პერიოდს დაემთხვა ტოშაკის წასვლა რეალის სამწვრთნელო შტაბიდან და დელ ბოსკეს მოსვლა. რომელმაც ნდობა გამოუცხადა კასილასს.

ასე რომ 18 წლის ჭაბუკ იკერ კასილიასს ჰქონდა დებიუტი რეალის რიგებში. მეტიც მან მიიღო მონაწილეობა ჩემპიონთა ლიგის გათამაშებაში. „ეს იყო ენით აღუწერელი სასწაული" განაცხადა იკერმა. მან დაიმკვიდრა თავისი ადგილი გუნდში და პრესაც ალაპარაკდა ამ ფენომენზე. და აი, მოხდა საწაულიც, 18 წლის იკერი ჩემპიონთალიგის გამარჯვებული გახდა. ეს მართლაც სასწაული იყო. მადრიდელებმა ვალენსია დაამარცხეს ფინალში და მერვედ დაეუფლა გუნდი ამ ტიტულს. ამ გამარჯვების მონაწილე გახლდათ იკერიც.

თუმცა ყველაფერი ისე რომ არ ხდება როგორც გვინდა ეს კასილიასის მაგალითზეც შეგვიძლია ვნახოთ. მან დაკარგა ადგილი გუნდში და გადაინაცვლა სათადარიგოთა სკამზე. ეს ყველაფერი ძალიან მალე მოხდა და რეალის კარს ახლა უკვე ცეზარი იცავდა. მაგრამ მოვიდა ფინალის დღეც რეალი კვლავ გავიდა ჩემპიონთა ლიგის ფინალში.

მეორე ტაიმის მეორე ნახევარში დაიმტვრა ცეზარი. მწვრთნელი იძულებული გახდა მოედანზე გამოეყვანა იკერი. და სწორედ აქედან დაიწყო სასწაული, რომელიც ფეხბურთში არცთუ ისე ხშირად ხდება. იკერმა გააკეთა ის რაც ჯერ არავის ჰქონდა გაკეთებული. მან განახორციელა ზედიზედ რამდენიმე სეივი, რომელსაც ალბათ რამდენიმე მეკარე ვერ მოიგერიებდა ერთად. და იკერმა რეალი ჩემპიონი გახადა. ეს იყო სასწაული, ენით აღუწერელი სასწაული.

ამ ყველაფრის ფონზე კასილიასმა დაიმკვიდრა საბოლოოდ ადგილი გუნდში და დღემდე პროგრესირებს. იგი არის რეალის და ესპანეთის ნაკრბის მეკარე. კასილიასი არის ყველა დროის საუკეთესო გოლკიპერი მადრიდში. მან შესძლო ის რაც ძალზედ ძნელი გასაკეთებელია. დღეს დღეობით კი იკერ კასილიას ფერნანდესი ერთ-ერთი საუკეთესო მეკარეა მსოფლოში.

ესპანეთის ლა ლიგა (4): 2000–01, 2002–03, 2006–07, 2007–08

ესპანეთის სუპერთასი (3): 2001, 2003, 2008.

უეფას ჩემპიონთა ლიგა (2): 1999-2000, 2001-02

უეფას სუპერ თასი (1): 2002:

საერთაროშისო თასი (1): 2002

უეფას 15-წლამდელთა ჩემპიონატი: 1995

უეფას 16-წლამდელთა ჩემპიონატი: 1997

უეფას მერიდიანის თასიი: 1999

ფიფას ახალგაზრდების მსოფლიო ჩემპიონატი: 1999

უეფას ევრო 2008: 2008

ფიფას 2010 წლის მსოფლიო ჩემპიონატი: 2010