რონალდინიო (პორტ. (Ronaldinho), სრული სახელი რონალდო დე ასის მორეირა (პორტ. (Ronaldo de Assis Moreira), დაიბადა 1980 წლის 21 მარტს, ბრაზილიის ქალაქ პორტუ-ალეგრიში (Porto Alegre), მას ვიცნობთ როგორც რონალდინიოს (პატარა რონალდო) ან რონალდინიო გაუჩოს სახელით, იგი დღესდღეობით მსოფლიოს ერთ-ერთი საუკეთესო ფეხბურთელია.

სახელის მოხვეჭა მან 17 წლის ასაკიდან დაიწყო მსოფლიო ჩემპიონატზე ეგვიპტეში. პროფესიონალური კარიერა დაიწყო ბრაზილიის ერთ-ერთ კლუბ გრემიოში (Gremio), სადაც თამაშობდა 3 წლის განმავლობაში 1998 წლიდან 2001 წლამდე. ბრაზილიის ნაკრებში დებიუტი ჰქონდა 1999 წლის 26 იანვარს, ხოლო პირველი გოლი ბრაზილიის ნაკრების მაისურით გაიტანა ვენესუელას წინააღმდეგ, კოპა ამერიკაში გასამარჯვებლად. პირველი ჰეთ-თრიკი შეასრულა საუდის არაბეთის წინააღმდეგ კონფედერაციის თასზე, მოიგო 3 ბრაზილიის თასი, და გაიტანა 13 გოლი

2001 წელს მან გააფორმა 5 წლიანი კონტრაქტი საფრანგეთის კლუბ პ.ს.ჟ-სთან (Paris Saint-Germain) რის შედეგადაც გრემიომ 4.5 მილიონი $-ით გაზარდა ბიუჯეტი. ერთ-ერთ კონფერენციაზე პარიზელთა მენეჯერმა განაცხადა, რომ რონალდინიო უფრო გაიტაცა პარიზის ღამის ცხოვრებამ ვიდრე ფეხბურთმა.

2002 წელს რონალდინიო დაეხმარა ბრაზილიის ნაკრებს მსოფლიოს ჩემპიონის ტიტულის მოპოვებაში და გუნდის ერთ-ერთი ლიდერი იყო რონალდოს და რივალდოსთან ერთად. თავისი საუკეთესო გოლი ამ ჩემპიონათში მან მეოთხედ – ფინალში ინგლისის ნაკრების წინააღმდეგ გაიტანა, 35 მეტრის დისტანციიდან.

2003 წელს რონალდინიოს სურდა პსჟ-ს დატოვება რათა ევროპის პრესტიჟული ტიტულები მოეგო. სწორედ ამ დროს მანჩესტერსა და ბრასელონას სურდათ მისი გადაბირება, საბოლოოდ ეს ესპანელებმა მოახერხეს და შეიძინეს რონი 21 მილიონ ევროდ.

სამუელ ეტოოსთან (Samuel Eto’o), დეკოსთან (Deco), ჰენრიკ ლარსონთან (Henrik Larsson) და ლუდოვიკ ჟიულისთან (Ludovic Giuly) და სხვა კატალონიელებთან ერთად მან შეძლო ბარსელონა მიეყვანა ესპანეთის პრიმერა დივიზიონის გამარჯვებამდე. მან გაახარა ბარსელონას ფანები ახალი კონტრაქტით რომლითაც მან ბარსელონაში დარჩენის დრო საგრძნობლად გაიხანგრძლივა.

2004 წლის 20 დეკემბერს იგი ფიფა-მ აღიარა მსოფლიოს საუკეთესო ფეხბურთელად. 2005 წლის ნოემბერში იგი აღიარეს ევროპის საუკეთესო ფეხბურთელად, გამოკითხივს შედეგად რომელიც ფრანგულმა ჟურნალმა "France Football”-მა ჩაატარა. 2005/2006 წლების სეზონი საკმაოდ წარმატებული აღმოჩნდა როგორც ბარსელონისთვის ასევე რონალდინიოსთვის, როგორც იცით მათ შეძლეს ესპანეთის ჩემპიონატის და ჩემპიონთა ლიგის მოგება..

ყოველივე ამის შემდეგ კი მისი ”ბარსელონური” კარიერა უკან და უკან მიდის, რის შედეგადაც ის კლუბს ტოვებს და კარიერას იტალიურ ”მილანში” აგრძელებს…