გინესის რეკორდების წიგნში ახალი ნომინაცია გაჩნდა - მსოფლიოში ყველაზე ასაკოვანი დები და ძმები. ამ უჩვეულო კატეგორიაში რეკორდსმენებად ბრიტანელი დები, 108 წლის დოროთი რიჩარდსი და 105 წლის მარჯორი რადლი დასახელდნენ.

მათი საერთო ასაკი 213 წელს, 3 თვესა და 27 დღეს შეადგენს. დები ინგლისის ქალაქ ნორტჰემპტონში დაიბადნენ. მათი მამა ფეხსაცმლის მწარმოებელი ფაბრიკის მფლობელი იყო. სკოლის დამთავრების შემდეგ გოგონებმა უმაღლესი განათლების მიღება ლონდონში სცადეს, მაგრამ დედის გარდაცვალების გამო მშობლიურ ქალაქში დაბრუნება და მამულის პატრონობა მოუწიათ. დოროთიმ და მარჯორიმ გინესის რეკორდების წიგნში მოხვედრა პიტერბოროს მოხუცებულთა თავშესაფარში  ჩაის სმით აღნიშნეს.