9:27 PM “არსენალი” ანანიძისთვის 4 მილიონს ამზადებს | |
| მოსკოვის "სპარტაკის” ქართველი ნახევარმცველის, ჯანო ანანიძის გადაბირება ლონდონის "არსენალს” სურს და ტრანსფერში 4 მილიონი გირვანქა სტერლინგის გადასახდელადაც მზადაა. Ibitimes.com-ის ცნობით, მეთოფეები ახალგაზრდა ქართველით მოხიბლულნი არიან და მისი თავიანთ გუნდში ჩარიცხვა იანვრის სატრანსფერო სეზონში სურთ. ინგლისელებს იმედი აქვთ, რომ ანანიძე "არსენალზე” უარის თქმას ვერ შეძლებს და მათ წინადადებას დათანხმდება. "სპარტაკის” სპორტული დირექტორი დიმიტრი პოპოვი აცხადებს, რომ კლუბი ქართველის გაშვებას, სულ ცოტა, იქამდე არ გეგმავს, სანამ ფეხბურთელს 20 წელი არ შეუსრულდება. Footylatest.com-ის თუ დავუჯერებთ, ჯანოს გადაბირება გერმანულ კლუბებს – "ჰამბურგსა” და "ვოლფსბურგსაც” სურთ. ცნობისთვის, 19 წლის ანანიძემ მიმდინარე სეზონში რუსეთის პრემიერლიგაში 11 მატჩი ჩაატარა და გოლიც გაიტანა. სულ კი, ქართველს პრემიერლიგაში 41 შეხვედრაში უთამაშია და მეტოქეთა კარი 7-ჯერ აუღია. | |
|
| |
| სულ კომენტარები: 0 | |