12:25 PM ბრედ პიტი და ბარაკ ობამა ნათესავები აღმოჩნდნენ | |
| ცნობილი ადამიანების მოულოდნელი ნათესაური კავშირები ბოლო დროს გენეალოგიური საზოგადოება ბევრს მუშაობს ცნობილი ადამიანების ოჯახურ ისტორიებზე. წინაპრებსა და ნათესაურ კავშირზე მიღებული ინფორმაცია თვით ვარსკვლავებისთვისაც სიურპრიზი აღმოჩნდა, რომ აღარაფერი ვთქვათ მათ თაყვანისმცემლებზე. ინგლისის გენეალოგიური საზოგადოების მიერ ჩატარებულმა კვლევებმა დაამტკიცა, რომ ბრედ პიტი და კვლავარჩეული აშშ-ის პრეზიდენტი ბარაკ ობამა ნათესავები არიან. მათი საერთო წინაპარი, ედვინ ჰიკმანი, ვირჯინიაში 1769 წელს გარდაიცვალა. საინტერესოა, რომ წინასაარჩევნო კამპანიის დროს ბრედ პიტი აქტიურად უჭერდა მხარს ობამას, თუმცა მსახიობის დედა, ჯეინი მით რომნის მომხრე იყო. პიტის საცოლეს, ანჯელინა ჯოლისაც აღმოაჩნდა ნათესაური კავშირი თეთრ სახლთან. როგორც გაირკვა, მსახიობი ენათესავება ყოფილ პირველ ლედის და ახლანდელ აშშ-ის სახელმწიფო მდივანს, ჰილარი კლინტონს. კლინტონს კიდევ ჰყავს შორეული ნათესავები, რომლებმაც წარმატებას მიაღწიეს კინოსფეროსა და შოუბიზნესში: მისი წინაპრები დედის მხრიდან – კანადელი ფრანგები იყვნენ. სწორედ ამ მხრიდან ენათესავება ჰილარი კლინტონი მომღერლებს: მადონას, სელინ დიონსა და ალანის მორისეტის. სელინ დიონისა და მადონას საერთო წინაპარი მჭედელი, სახარი კლუტიე გახლდათ, რომელიც კვებეკში 1634 წლიდან დასახლდა. ახლახან Acestry.com-ის სპეციალისტებმა დაადგინეს ნათესაური კავშირი მსახიობ რაიან გოსლინგსა და სამ ცნობილ მუსიკოს – ჯასტინ ბიბერს, სელინ დიონსა და ავრილ ლავინს შორის. ჰოლივუდში მოღვაწეობენ აშშ-ის მე-16 პრეზიდენტის – ლეგენდარული აბრაამ ლინკოლნის ნათესავებიც. ჯერ იყო და საიტმა Acestry.com-მა დაადგინა ლინკოლნსა და ტომ ჰენკსს შორის ნათესაური კავშირი; ახლახან კი სპეციალისტებმა, სტივენ სპილბერგის ბიოგრაფიული ფილმის გამოსვლასთან დაკავშირებით, კვლავ შეისწავლეს პრეზიდენტის გენეალოგია და შემთხვევით აღმოაჩინეს ლინკოლნსა და ჯორჯ კლუნს შორის ნათესაური კავშირი. ლეგენდარული პრეზიდენტის როლს სპილბერგის ფილმში დენიელ დეი-ლუისი ასრულებს, რომელიც პრეზიდენტის სისხლით ნათესავია. თუ ამერიკელ ვარსკვლავებს შეუძლიათ დაიკვეხნონ ამა თუ იმ პრეზიდენტთან ნათესაობა, ბრიტანელებს შეუძლიათ იტრაბახონ სამეფო ოჯახთან კავშირით. ასე მაგალითად, რალფ ფაინსსა ("შინდლერის სია") და პრინც ჩარლზს საერთო წინაპარი ჰყავთ, ხოლო "შერლოკ ჰოლმსის"რეჟისორი, გაი რიჩი პრინცესა ქეით მიდლტონის ნათესავია. თუმცა ბრიტანულ სამეფო ოჯახს ნათესაური კავშირები აშშ-ის მცხოვრებლებთანაც აქვს. გამოკვლევის შედეგად, რომელიც Ancestry.com-მა ჩაატარა, დადგინდა, რომ დედოფალ ელისაბედ II-ის ნათესავია მსახიობი ჰილარი დაფი. | |
|
| |
| სულ კომენტარები: 0 | |