10:12 PM გინესის მსოფლიო რეკორდები | |
| 1951 წლის 4 მაისს კომპანია " Guinness Brewery"-ის დირექტორი, სერ ჰიუ ბივერი, სანადიროდ ვექსფორდში, ირლანდიაში გაემგზავრა. აქ იგი კამათის მონაწილე გახდა, თუ რომელი ფრინველია ყველაზე სწრაფი ევროპაში. კამათისას ბივერი მიხვდა, რომ ამის გაგება ენციკლოპედიებიდან შეუძლებელი იყო. ამიტომ გადაწყვიტა მსგავსი ენციკლოპედიის შექმნა, რომელიც ყველას დააინტერესებდა და პოპულარული გახდებოდა. ასე წარმოიშვა "გინესის რეკორდების წიგნი”. პირველი "გინესის რეკორდების წიგნი", რომელიც 197 გვერდისგან შედგებოდა, გამოვიდა 1955 წლის 27 აგვისტოს და საშობაოდ ეს კრებული ყველაზე პოპულარული წიგნი გახდა დიდ ბრიტანეთში. პირველი გამოცემიდან დღემდე მოყოლებული გაყიდულია 400 მილიონზე მეტი ეგზემპლიარი. იაპონელმა Takeru Kobayaşi ახალი რეკორდი დაამყარა, მან შეჭამა 337 ცალი ქათმის ფრთა ნახევარ საათში, გადაეცა ფულადი თანხა 20 ათასი დოლარი. სახელმწიფო კონკურსი გაიმართა ფილადელფიაში, ამ შეჯიბრს შვიდი ათასი მაყურებელი ესწრებოდა. გასული წლის რეკორცმენი კი Jonathan Squibb'in იყო რომელმაც შეჭამა 225 ცალი ქათმის ფრთა ნახევარ საათში.  ყველაზე დიდი დათვი. ყველაზე დიდ დათვად ითვლება წინაისტორიული პერიოდის გიგანტური მოკლედრუნჩა დათვი Arctodus simus. მისი წონა 600-800 კგ, ხოლო სიმაღლე – 1,6მ.  პრიმატის ყველაზე სრული ჩონჩხი. 2009წ. 19 მაისს მეცნიერთა გუნდმა წარმოადგინა 47 მილიონი წლის წინანდელი პრიმატის ჩონჩხი Darwinius masillae. დედალი პრიმატის სიმაღლე 1 მ. იყო და დღევანდელ ლემურს წააგავდა. ის აღმოაჩინეს 1993 წ. გერმანიაში. წინაისტორიული პერიოდის უდიდესი ძუძუმწოვარი. Indiricotherium მარტორქის მსგავსი ცხოველი Hyrachyidae ოჯახიდან, მხოლოდ რქის გარეშე გრძელი კისრით, ცხოვრობდა დასავლეთ აზიაში და ევროპაში 35 მლნ. წლის წინ. მისი სიმაღლე – 5,41 მ იყო, ხოლო სიგრძე -11,27 მ.  ყველაზე დიდი სპილო მსოფლიოში. სტეპის მამონტი Mamuthus trogontherii, მილიონი წლის წინ ცენტრალურ ევროპაში ბინადრობდა. ამ სახეობის ჩონჩხი გოსბახში (გერმანია) ნახეს, რომლის სიმაღლე 4,5 მ. აღწევდა. შედარებისათვის, უდიდესი აფრიკული სპილოს სიმაღლე 3,6 მ, ხოლო წონა – 8ტ. უდიდესი კვერცხისმდებელი ძუძუმწოვარი. დასავლეთ ავსტრალიაში ნაპოვნი ჩონჩხის მიხედვით გრძელდრუნჩა ეჰიდნასმაგვარი ჰაკეტა (Zaglossus hacketti) იყო ცხვრის ზომის და 100 კგ. იწონიდა. ეს ეჰიდნას წინაპარი 2,6 მლნ. წლის წინ ცხოვრობდა.  უდიდესი ზარმაცა. გიგანტური ზარმაცა Megalotherium სამხ. ამერიკაში 5,3 მლნ. წლის წინ ცხოვრობდა. უკანა თათებზე დამჯდარ მდგომარეობაში მისი სიმაღლე 5,1 მ. აღწევდა, იწონიდა -4,5 ტ.  უდიდესი ხმალკბილა კატა. Smilodon populator ცხოვრობდა სამხ. ამერიკაში დაახლოებით 1 მლნ. -10 000 წლის წინ. მისი სიმაღლე 1,56 მ. აღწევდა. ჰქონდა ხმალივით მოღუნული 30 სმ. სიგრძის ეშვები.  ყველაზე პატარა ჰომინიდი. 2003წ. ინდონეზიელმა და ავსტრალიელმა მეცნიერებმა კუნძულ ფლორესზე (ინდონეზია) მღვიმეში აღმოაჩინეს ჰომინიდი Homo florensiensis, რომლის სიმაღლე იყო 1მ. ეს ადამიანისმაგვარი მაიმუნი აქ 13000 წლის წინ ცხოვრობდა  მასტადონტის ყველაზე დიდი ეშვი. 2007წ. 28 ივლისს მილიაში (საბერძნეთი) გათხრებისას აღმოაჩინეს მასტოდონტის ეშვი, რომლის სიგრძე 5,02 მ იყო. ყველაზე სწრაფი ძუძუმწოვარი -გეპარდი (Acininyx jubatus). მოკლე დისტანციაზე გეპარდი საათში 100 კმ ავითარებს. 2009 წლის 10 სექტემბერს დედალმა გეპარდმა სარამ 100 მეტრი 6,13 წამში გაირბინა.  ყველაზე ნელი ძუძუმწოვარი -სამფეხა ზარმაცა (Bradypus tridactylus). მიწაზე იგი 1წთ-ში 1,8 -2,4 მ გადის, ხოლო ხეზე -4,6 მ. ბინადრობს სამხრ. ამერიკის ტროპიკებში  ყველაზე მაღალი ძუძუმწოვრია – ჟირაფი (Giraffa camelopardalis). მამალი ჟირაფის სიმაღლე 4,5 – 5,5 მ აღწევს. 1959წ. ჩესტერის ზოოპარკმა შეიძინა ჟირაფი, რომლის სიმაღლე 5,8 მ. იყო.  ყველაზე მსუბუქ კვერცხისმდებელ ძუძუმწოვრად ითვლება იხვნისკარტა (Ornithorhynchus anatinus), რომელიც ავსტრალიასა და ტასმანიაზე ცხოვრობს. მამალი იხვნისკარტას წონაა -1,0 -2,4 კგ, ხოლო დედლისა – 0,7 -1,6 კგ.  ყველაზე სწრაფად სუნთქავს -მელია ფენეკი (Fennecus zerda), რომელიც ცხოვრობს საჰარაში. იგი ტავის საცხოვრებელს ძალზედ ეფექტურად აგრილებს. იგი იწყებს სწრაფად სუნთქვას (1 წთ-ში – 690 ამოსუნთქვა) და ამგვარად გრილდება.  ყველაზე ხანგრძლივი სიცოცხლის პერიოდი. შიშველი მიწისმთხრელის (Heterocephalus glaber) სიცოცხლის ხანგრძლივობა 28 წელს აღწევს. ის ცხოვრობს მიწის ქვეშ და აგებს გვირაბების მთელ სისტემებს.  ყველაზე მსუნაგი დათვი. დიდ პანდას (Ailuropoda melanoleuca) შეჭმული ბამბუკის ღეროების მხოლოდ 21%-ს გადამუშავება შეუძლია. იგი დღის განმავლობაში თავისი წონის 38% საკვებს იღებს.  ძუძუმწოვართა ყველაზე დიდ ოჯახებს მღრნელები (Muridae) შეადგენენ . ისინი 600 სახეობას შეადგენენ თაგვებთან და ვირთხებთან ერთად. ცხოვრობენ ყველა კონტინენტზე.  ტასმანიურ ეშმაკს (Sarcophilus harrisii) შეუძლია უკბინოს ძალის კოეფიციენტით 181 (კბენის ძალა იზომება ცხოველის ზომასთან შედარებით). ვეფხვის კბენის კოეფიციენტი შეადგენს 127, ლომისა -112.  | |
|
| |
| სულ კომენტარები: 0 | |