8:18 PM ჯერ კიდევ დრო გაქვს | |
| გარეთ თოვდა. სკოლის ფანჯრიდან გავყურებდი უფროსკლასელებს. უცებ ბიჭმა გოგოს ბეჭებში თოვლი ჩააყარა და ატყდა წივილ-კივილი. ამ ლექსს ვუძღვნი სწორედ იმ ბიჭს, რომლის არც გვარი ვიცი და არც სახელი... ჯერ კიდევ დრო გაქვს, შენს კლასელ გოგოს მოსწეწო თმები და ჩაგეთვალოს ბავშურ ანცობად, ჯერ კიდევ დრო გაქვს ჩააყარო ბეჭებში თოვლი და ჩაგეთვალოს მაინც ბავშვობად. ჯერ კიდევ დრო გაქვს, მერხის მეგობარს შეჰფიცო ძმობა და ვიდრე სუნთქავს აქვე, შენს გვერდით, გაკნაჭულ გოგოს გაუმხილო უთქმელი გრძნობა. ჯერ კიდევ დრო გაქვს... ისევ გრძელდება შენი ბავშვობის დღესასწაული, მალე დადგები გზაჯვარედინზე და გათავდება ეს სასწაული... ჯერ კიდევ დრო გაქვს.. | |
|
| |
| სულ კომენტარები: 0 | |