1) ოთხი მეგობარი მსჯელობს ამოცანის ამონახსნის შესახებ.
კოტე ამბობს - ამონახსნი არის რიცხვი 9.
რამაზი ამბობს - ამონახსნი მარტივი რიცხვია.
ქეთი ამბობს - ამონახსნი ლუწი რიცხვია
მაკა ამბობს - ამონახსნი რიცხვი არის 15.
რა რიცხვია ამოცანია ამონახსნი, თუ ბიჭების ნათქვამიდანაც ერთია სწორი და გოგოების  ნათქვამიდანაც?პასუხი დაასაბუთეთ.



2) სულ გვაქვს სამი შავი და სამი თეთრი ბურთულა. ისინი განაწილებულნი არიან 3 ყუთში ისე, რომ თითო ყუთში 2-2 ბურთულა დევს. ყუთებს აწერია: თთ, შშ, და თშ რაც ნიშნავს თეთრი და თეთრი, შავი და შავი, თეთრი და შავი. ცნობილია რომ არცერთი არ შეესაბამება სინამდვილეს. ყუთებში ჩაუხედავად ბურთულების რა უმცირესი რაოდენობა უნდა ამოვიღოთ, რომ დავადგინოთ რომელ ყუთსში რა ფერის ბურთულებია? (პასუხი დაასაბუთეთ)




3)   დედამიწაზე ყველაზე მეტი ნალექი მოდის ინდოეთში, ჰიმალაის მთების სამხრეთ ფერდობზე. გაიგეთ რამდენია ამ ადგილზე ატმოსფეროს ნალექების წლიური რაოდენობა მილიმეტრებში, თუ იგი უდრის x₁ + x₂+ x₃ + x₄ + 2t + 16. საიდანაც x_1, x_2, x_3, და x₄ არის: (x² - 9)² - 8 (x² - 9) + 7= 0 განტოლების ფესვები,  ხოლო  t = 6324,5.


4)  რაზე უნდა გავამრავლოთ 333667, რომ მივიღოთ სულ 8-ანებით დაწერილი რიცხვი? (რამდენნიშნაა არ აქვს მაგას მნიშვნელობა).


5) 
გვაქვს 201 გარეგნულად ერთნაირი მონეტა, რომელთა შორის 100 ყალბია,ყალბი მონეტა ნამდვილისაგან განსხვავდება 1 გრამით. ამ მონეტებიდან ვიღებთ ერთ მონეტას. აჩვენეთ, რომ ისრიან სასწორზე ერთი აწონვით შეგვიძლია დავადგინოთ ყალბია თუ არა ეს მონეტა  (სასწორის ნებისმიერ თეფშზე შეგვიძლია დავდოთ ნებისმიერი რაოდენობის მონეტა.


6) 
მთელი 40 ნახტომით
კურდღელი ძაღლზე წინ არის.
რამდენ ნახტომზე მთავრდება
მათი შეჯიბრის ფინალი?
ძაღლი რომ 7-ჯერ იხტუნებს 
კურდღელი ასწრებს 9 ნახტომს
კურდღელს სურს თავის მიმალვა
ძაღლი კი დევნას განაგრძობს
ამბობენ ძაღლის 3 ნახტრომს
კურდღლისა უდრის 5-იო
რამდენ ნახტომზე დაიჭერს?
პასუხს ჭირდება წუთიო.