კოქტეილი ფორთოხლის წვენით
ჭიქაში უნდა ჩაყაროთ ყინული, დაამატეთ 45მლ არაყი და ფორთოხლის წვენით შეავსეთ. მორთეთ ფორთოხლის ნაჭრით ან ლიქიორით გაჟღენთილი ალუბლით. სასურველია მიირთვათ საწრუპავით.

ტეკილას კოქტეილი
ჭიქაში მოათავსეთ ყინული, დაასხით 60მლ ტეკილა, შეავსეთ ფორთოხლის წვენით. დაამატეთ 15 მლ ბროწეულის წვენი სწრაფად რათა მალე ჩავიდეს ფსკერზე. მოურიეთ მოსარევი ჩხირით. მორთეთ ფორთოხლის ნაჭრით ან ალუბლის ლიქიორით გაჟღენთილი ალუბლით.

ვისკის კოქტეილი
ჭიქაში ცაყარეთ ყინულის ნატეხები, დაასხით 60 მლ ვისკი, 4 ყლუპი ბრენდი და ასევე 4 ყლუპი კურაჩაო. მოურიეთ. მორთეთ ფორთოხლის კანით, ანანასით. მიირთვით საწრუპავით.

კოქტეილი "ეგნოგი"
ყინული შეიკერში ჩაყარეთ და 1 კვერცხი, 1 ჩ/კ შაქარი, 1/2 ჩ/კ ვანილი და 300 მლ რძე დაამატეთ. შეანჯღრიეთ და შემდეგ ჩაასხით ჭიქაში. მოაყარეთ დარიჩინი. გემოვნებით შეგიძლიათ დაუმატოთ 1 ყლუპი ბრენდი.

კოქტეილი "დაიკირი"
მიქსერში ჩაასხით ჯერ რომი და ლიქიორი. შემდეგ ჩაყარეთ ყინული, 45მლ თეთრი რომი, 15 მლ მარწყვის ლიქიორი, 15მლ ტკბილი ლიმონის წვენი, 6 ცალი მარწყვი და დამსხვრეული ყინული. შემდეგ აურიეთ მიქსერით კარგად სანამ არ შეერევა ერთმანეთს. ჭიქაში ჩასხმის შემდეგ მორთეთ 1 ც მარწყვით.

შოკოლადიანი ყავა
50 გრ. გახეხილი შოკოლადი და 3 ს/კ შაქარი ფინჯან ცხელ ყავაში შევურიოთ. დავამატოთ 120 გრ ლიქიორი და 4 ს/კ ათქვეფილი ნაღები. 250 გრ ნაყინი 4 ულუფად გავყოთ. ცხელი შოკოლადის ყავა 4 ფინჯანში ჩავასხათ და ნაყინი ზემოდან მოვათავსოთ. ბოლოს მოვაყაროთ 2 ჩ/კ გახეხილი შოკოლადი.

ჩაის კოქტეილი
1/4 ჩ/ჭ მაგარ ჩაის დაამატეთ 1/4 ჩ/ჭ ქლიავის წვენი, 2-3 ჩ/კ ბროწეულის წვენი და კარგად ავთქვიფოთ. დადგით ცივ ადგილას 25-30 წუთი. ჩაასხით ჭიქაში, ჩადეთ ქლიავი ან ალუბალი, ჩაასხით რამდენიმე წვეთი ლიმონის წვენი.

თაფლიანი ყავა
1/2 ლ წყალი და 4 ჩ/კ წვრილად დაჭრილი შოკოლადი ერთად დაახლოებით 2 წთ წამოვადუღოთ. ყავადანში ჩავასხათ 4 ჩ/კ თაფლი, ჩავაყაროთ 4 ს/კ ყავა და დავასხათ მდუღარე წყალი. მოვურიოთ, გავაცივოთ და მოვასხათ არაჟანი.