მეცნიერები გაარკვევენ რატომ ბერდებიან ადამიანები
ამერიკელი მეცნიერები დაბერების საიდუმლოს ამოხსნას 17 წლის გოგონას გენების გაშიფვრით შეეცდებიან, რომელიც გონებრივად და ფიზიკურად ჩამორჩენილია, არ იზრდება და ერთი წლის ბავშვის აზროვნება აქვს, – წერს გაზეთი The Sunday Times.
ამერიკელი ბრუკ გინბერგი სულ 7 კილოგრამს იწონის და 75 სმ სიმაღლისაა. მას ლაპარაკი არ შეუძლია და სარძევე კბილებიც არ მოუცვლია. მიუხედავად იმისა, რომ გარეგნულად ბავშვს ჰგავს, მისი ცალკეული შინაგანი ორგანოები ბერდება და მას ჯანმრთელობის პრობლემებიც აქვს.
გოგონას დნმ-ის გამოკვლევისას ექიმებმა დაასკვნეს, რომ პრობლემა იმ გენშია, რომელიც ადამიანს ნორმალური განვითარების საშუალებას უნდა აძლევდეს. გოგონას მამა თანახმაა, ბავშვის გამოკვლევა გაგრძელდეს, მედიკოსებს კი იმედი აქვთ, რომ გაარკვევენ, რატომ ბერდებიან ადამიანები.