8:41 PM მომღერალი | |
bob marley ვოკალისტი და კომპოზიტორი - რობერტ ნესტა მარლი, იამაიკის პატარა სოფელში 1945 წლის 6 თებერვალს დაიბადა. დედა - თვრამეტი წლის მუქკანიანი სედელა ბუკერი, მამა კი - ორმოცდაათი წლის ნორვალ მარლი იყო. ბობი და დედა, საცხოვრებლად იამაიკის დედაქალაქის, კინგსტონის ერთ–ერთ კვარტალში - თრენჩ-თაუნში გადავიდნენ. ბიჭმა უამრავი მეგობარი შეიძინა. მათთან ერთად მთელი დღე როკ-ენ-როლს უსმენდა. სკოლის მიტოვების შემდეგ კი მუშაობა შემდუღებელ სახელოსნოში დაიწყო. მომღერალმა ჯო ჰიგმა, ბობს სახლის ეზოში ვოკლის რამდენიმე გაკვეთილი ჩაუტარა. 1962 წელს მან მეგობრებთან ბანი ლივინგსტონთან და პიტერ ტოშთან ერთად ჯგუფი „The Wailing Wailers" ჩამოაყალიბა. მან თავისი მუსიკით ახალი სტილი – „რეგი" შექმნა. 1966 წელს ბობი დაქორწინდა. ის ხშირად იცვლიდა ადგილსამყოფელს. ჯგუფი ხშირად იყო აფრიკაში, ინგლისსა და ამერიკაში. ბობ მარლის პოპულარობა მთელ მსოფლიოში დღითიდღე იზრდებოდა. სიმღერას, ავტომობილების ქარხანაში მუშაობას უთავსებდა და ასე გაჰქონდა თავი... 1971 წელს ჯგუფმა ამერიკელ პოპ-მომღერალთან ჯონი ქეშთან გააფორმა კონტრაქტი და მისთვის ორი სინგლი „Guava Jelly" და „Stir It Up" დაწერა. 1972 წელს კი მათ „The Wailing Wailers", „Island Records"-თან კონტრაქტს მოაწერეს ხელი და პირველი ალბომის „Catch A Fire" პრეზენტაციაც შედგა. მას მოჰყვა მეორეც, სახელწოდებით „Burnin", რომელიც ახალთან ერთად, ძველი სიმღერებითაც იყო დაკომპლექტებული. 1974 წელს მარლი ახალ ალბომზე „Natty Dread" იწყებს მუშაობს, რომელიც 1975 წლის თებერვალში გამოდის. მოგვიანებით, სოლო-კარიერის გამო, ბანი და პიტერი ჯგუფს ტოვებენ. ისინი ქალთა ვოკალურმა ტრიომ (რიტა მარლი, მარსია გრიფიტსი და მოუვატი) ჩაანაცვლა. ძველი სახელწოდებაც შესაბამისად ახლით - „Bob Marley And The Wailers" შეიცვალა. ჯგუფმა ახალი შემადგენლობით ლონდონის თეატრში „Lyceum" ორი კონცერტი გამართა. 1976 წელს ახალი ალბომი „Rastaman Vibration" გამოვიდა. ერთი წლის შემდეგ კი „Exodus", რომელიც ინგლისის ჰიტ-აღლუმებში 56 კვირის განმავლობაში ლიდერობდა. ალბომიდან სამი სინგლი: „Exodus", „Waiting In Vain" და „Jamming" ბესტსელერად იქცა... 1978 წელს ბობ მარლის ახალი ნამუშევარი - „Kaya" ინგლისურ ჩარტებში მეოთხე ადგილს იკავებს. 1979 წლის ზაფხულში გამოდის რიგით მეათე ალბომი „Survival". 1980 წელს საგასტროლო ტურნე ამერიკაში მისი ჯანმრთელობის გაუარესების გამო გადაიდო. იმავე წელს, ზიმბაბვეს ხელისუფლებამ ჯგუფი „The Wailers" დამოუკიდებლობის დღისადმი მიძღვნილ ცერემონიალზე მიიწვია. მალე მომღერლის ჯანმრთელობის მდგომარეობა ისევ გაუარესდა. მას ავთვისებიანი სიმსინვნე აღმოაჩნდა და დაავადებული ორგანოს ამპუტაციაზე რელიგიური თვალსაზრისით უარი განაცხადა. მკურნალობის კურსი ბავარიის კლინიკაში უშედეგოდ დასრულდა... 1981 წლის 11 მაისს, 36 წლის ასაკში, მომღერალი მაიამის ჰოსპიტალში გარდაიცვალა. მისი დასაფლავების დღეს, იამაიკის ხელისუფლებამ ქვეყანაში ნაციონალური გლოვა გამოაცხადა. დისკოგრაფია „Soul Rebels" – 1970 „Burnin" – 1973 „Catch A Fire" – 1973 „Natty Dread" – 1973 „Rasta Revolution" – 1974 „Rastaman Vibration" – 1976 „Kaya" – 1978 „Survival" - 1979 „Uprising" – 1980 „One Love" - 1980 „Soul Rebels" - 2002   | |
|
| |
| სულ კომენტარები: 0 | |