რბილი, ტკბილი, გემრიელი ორცხობილა!გემრიელი სიახლეების მოყვარული ხართ? ტომატო ტრადიციული ქართული საახალწლო სუფრის გამრავალფეროვნებაში დაგეხმარებათ! ეს იმდენად მარტივია, რომ ვერც წარმოიდგენთ! გაეცანით საახალწლო ორცხობილის რეცეპტს და შეჰმატეთ ნებისმიერ დღესასწაულს უფრო მეტი მხიარულება! ტომატო თქვენს კულინარიულ ფანტაზიას მეტ სიტკბოებას მიანიჭებს!
გამოდის 40-48 ორცხობილა;
დრო მოსამზადებლად: 20 წუთი;
დრო გამოსაცხობად: 8 წუთი;
ინგრედიენტები: - 3 3/4 ჭიქა ფქვილი
- 1 ჩაის კოვზი საცხობი ფხვნილი (გამაფხვიერებელი)
- 1/2 ჩაის კოვზი მარილი
- 1 ჭიქა დარბილებული მარგარინი/კარაქი
- 1 1/2 ჭიქა შაქარი
- 2 კვერცხი
- 2 ჩაის კოვზი ვანილის ექსტრაქტი
პირველი ეტაპი:
ერთმანეთს შეურიეთ ფქვილი, გამაფხვიერებელი და მარილი. დიდ თასში კარგად გათქვიფეთ შაქარი მარგარინში. სათითაოდ ჩაუმატეთ კვერცხები და ბოლოს ვანილი. თანდათანობით ჩაუმატეთ ფქვილის ნარევი და ურიეთ კარგად ერთგვაროვანი სახის მიცემამდე. მიღებული ცომი შეფუთეთ და მოათავსეთ გრილ ადგილას 2 საათით გასაცივებლად. მეორე ეტაპი:
გააცხელეთ ღუმელი 200°C-მდე. საცხობ ფირფიტებს მოაცხეთ ცხიმი. ფქვილმოყრილ ზედაპირზე გააბრტყელეთ ცომი 6 მილიმეტრის სისქემდე და ამოჭერით სასურველი ფორმები. მესამე ეტაპი:
აცხვეთ 6-8 წუთით, სანამ ყავისფერ შეფერილობას მიიღებდეს. გამოცხობის შემდეგ გადაიტანეთ ცხაურზე გასაცივებლად. გაფორმება:
ღუმელში გამოცხობამდე შეგიძლიათ ორცხობილებს ფერადი შაქარი მოაყაროთ ან გააფორმოთ სასურველი მიქსით უკვე გამოცხობისა და გაცივების შემდეგ. მაგალითად: 7-10 წუთით ერთმანეთს ურიეთ 2 ჭიქა შაქრის ფხვნილი, 1 სუფრის კოვზი ბეზეს ფხვნილი, 3 სუფრის კოვზი წყალი და მოასხით ორცხობილებს.
|