7:00 PM საზამთროს მურაბა | |
მასალა: საზამთროს სეზონია და ყოველ ჩვენგანს სახლში საზამთროს უამრავი ნარჩენი უგროვდება. რატომ უნდა გადაყაროთ საზამთროს ქერქები, როდესაც მისგან უგემრიელესი მურაბის მოხარშვა შეიძლება და როდესაც მისის დამზადება ასეთი ეკონომიურია?!…
საზამთროს ქერქის მომზადება: საზამთროს ქერქს (ქერქი უნდა იყოს სქელი) მოვათალოთ მწვანე გარეთა გარსი და დავჭრათ მართკუთხედებად. რა თქმა უნდა, შეგიძლიათ დაჭრათ სხვა და სხვა ფიგურებადაც/ფორმებადაც. საზამთროს ქერქის თითოეული ნაჭერი დავჩხვლიტოთ ჩანგლით. 
პირველი ეტაპი: ჭიქანახევარ ცხელ წყალში გავხსნათ სოდა; ცალკე ქვაბში ჩავასხათ 5 ჭიქა ცივი წყალი, დავასხათ სოდიანი წყალი და ჩავყაროთ საზამთროს დაჭრილი ქერქი. ქვაბს დავახუროთ თავსახური და გავაჩეროთ ოთხი საათის განმავლობაში. ოთხი საათის შემდეგ ქვაბი გადავწუროთ და საზამთრო (ქერქები) დიდხანს ვრეცხოთ გამდინარე წყალში.
მეორე ეტქპი: ქვაბში ან ტაშტში, სადაც შემდეგ მურაბას მოვხარშავთ, ჩავასხათ 3 ჭიქა ადუღებული წყალი, ჩავაყაროთ 700 გრამი შაქარი და მოვადუღოთ სიროფი. სიროფში ჩავყაროთ გამზადებული საზამთრო და ვადუღოთ15-20 წუთის განმავლობაში. ამის შემდეგ გადმოვდგათ ცეცხლიდან და ასე გავაჩეროთ ერთი დღე.
მესამე ეტაპი: მეორე დღეს კვლავ დავდგათ ცეცხლზე, დავაყაროთ დარჩენილი 800 გრამი შაქარი, ვხარშოთ, სანამ მზად არ იქნება. ცეცხლიდან გადმოდგმის დროს ჩავაყაროთ ვანილი.
ვიმედოვნებ, რომ თქვენც გემრიელი ხრაშუნა მურაბა გამოგივათ! ))
| |
|
| |
| სულ კომენტარები: 0 | |