2:02 PM სტატისტიკა რეალის სასარგებლოდ | |
| "კოპა დელ რეიზე" ესპანური გრანდების დაპირისპირება ნახევარფინალში მეექვსედ შედგება. პირველად ესპანეთის თასზე, აღნიშნულ სტადიაზე "რეალი" და "ბარსელონა" 1916 წელს შეხვდნენ. მაშინ დაპირისპირება 4 მატჩიან დუელში გადაიზარდა. პირველი შეხვედრა მადრიდელებმა გასვლაზე 1-2 დათმეს, შემდგომ სახლში 4-1 იმარჯვეს. იმ დროისთვის ბურთების შეფარდება არ ითვალისწინებოდა, შესბამისად დაინიშნა მესამე მატჩი, რომელიც ფრედ 6-6 დასრულდა. აღსანიშნავია, რომ სანტიაგო ბერნაბეუმ ამ შეხვედრაში ჰეტ-ტრიკით გამოიჩინა თავი. მეოთხე მატჩი უკვე "მერენგთა" გამარჯვებით 4-2 დასრულდა და სწორედ მადრიდული გუნდი გავიდა ფინალში. რაც შეეხება მომდევნო ნახევარფინალურ დაპირისპირებას კასტილიურ-კატალონიური გრანდებისა, ეს ყველაზე ცნობილი გახლავთ "ელ კლასიკოს" ისტორიაში. პირველი შეხვედრა "ბარსელონამ" 3-0 იმარჯვა, თუმცა მადრიდში "რეალმა" 11-1 გაანადგურა მეტოქე. 1954 წელს ისევ მოხდა აღნიშნული დაპირისპირება, ამჯერად პირველი მატჩის წაგების შემდეგ (0-1), "ბარსელონამ" 3-1 იმარჯვა სახლში და მადრიდელები ტურნირს გამოთიშა. 1959 წელს ნახევარფინალური დაპირისპირება "ბარსელონას" სრული უპირატესობით წარიმართა. კატალონიელებმა მადრიდშიც და ბარსელონაშიც იმარჯვეს, შესაბამისად 4-2 და 3-1. რაც შეეხება 1993 წელს, მადრიდული მატჩი ფრედ 1-1 დასრულდა, თავი სამორანომ გამოიჩინა, კატალონიაში კი მიჩელისა და იგივე სამორანოს გოლებით სამეფო კლუბმა 2-1 იმარჯვა და ფინალში გააღწია. | |
|
| |
| სულ კომენტარები: 0 | |