5:36 PM ტუჩების კორექცია | |
| სანამ ტუჩების კორექციას შეუდგებით, აუცილებელია მათი მომზადება. იმისათვის, რომ ტუჩები დაარბილოთ და გლუვი გახადოთ, გამოიყენეთ მკვებავი კრემი ან ტუჩის მოვლის სპეციალური საშუალება. შემდეგ წაისვით ტუჩზე ტონალური კრემი და მსუბუქად გადაუსვით პუდრი. ამგვარად პომადა უფრო მეტხანს გაჩერდება და თავის პირვანდელ ფერსაც აღარ შეიცვლის. მას შემდეგ, რაც ტუჩები მზად იქნება კორექციისთვის, პომადისფერი ან მასზე 1–2 ტონით მუქი ტუჩის კონტურის მეშვეობით შემოხაზეთ კონტური. ტუჩის სრულყოფილი კონტურის შექმნისთვის აუცილებელია: • კონტურის მეშვეობით ტუჩის ზედა კუთხეები ისე მოხაზეთ, რომ V-ს ფორმა მიიღოს. • შემდეგ მონიშნეთ ქვედა ტუჩის კონტური, დაიწყეთ შუიდან და ტუჩის ზედა კუთხის მიმართულბით, ოღონდ ხაზს კუთხეებამდე ნუ მიიყვანთ. • შეაერთეთ მონიშნული კონტურის ხაზები. • წაისვით ტუჩებზე პომადა ან მბზინავი საცხი სპეციალური ფუნჯის მეშვეობით, იმისათვის რომ კარგად განაწილდეს. დეტალები, რომლებიც უნდა გახსოვდეთ: • იმისათვის, რომ ტუჩის მაკიაჟი უნაკლო იყოს, ფუნჯის მეშვეობით გაშალეთ პომადისა და ფანქრის თვალსაჩინო საზღვრები. წინასწარ წაუსვით პომადა ფუნჯზე და მისი დახმარებით შეაარბილეთ კონტურით მოხაზული მკვეთრი ხაზები. • ნუ შეგეშინდებათ ექსპერიმენტების, შეურიეთ ერთმანეთში სხვადასხვა ფერის პომადა საუკეთესო შედეგის მისაღწევად. • დაუმატეთ ცოტაოდენი ბზინვარება თქვენს მიერ შერჩეულ პომადას მბზინავი საცხის მეშვეობით. • იმისათვის რომ ტუჩები სქელი და მომნუსხველი იყოს, ისინი უფრო დიდი რომ გამოჩნდეს, ცენტრში ერთი წვეთი მბზინავი საცხი დაიდეთ, ისე, რომ ტუჩის ზედაპირზე არ გადაანაწილოთ. • გახსოვდეთ, რომ კაშკაშა მბზინვარე ფერები ვიზუალურად დიდი ტუჩის ეფექტს ქმნის, მაშინ როდესაც მუქი ფერები ტუჩს ვიზუალურად აპატარავებს. • ერთდროულად აქცენტს თვალებსა და ტუჩებზე ნუ გააკეთებთ. ეს სახეს არაბუნებრივ იერს შესძენს | |
|
| |
| სულ კომენტარები: 0 | |